Қазақстандық бұрғылау және сервистік компаниясы

Сiздiң сенiмдi бұрғылаушы серiктесiң

Жетібай және Қаламқас кен орындарында әлеуметтік объектілерді салу туралы АҚПАРАТ 3.12.2014

«KMG Drilling&Services» ЖШС құрылымдық бөлімшелері еншілес және тәуелді ұйымдармен бірлесіп, еншілес компания қызметкерлерінің әлеуметтік-тұрмыстық жағдайын жақсарту бойынша құрылыс іс-шаралары кешенін жүзеге асыруда. 2014 жылғы 3 желтоқсандағы жағдай бойынша «Қаламқас» және «Жетібай» кен орындарындағы әлеуметтік-тұрмыстық объектілердің құрылыс алаңдарында объектілер салу және жөндеу жұмыстары қарқынмен жүріп жатыр.

Бүгінгі күні «Қаламқас» кен орнында «ОСС» ЖШС қызметкерлері үшін жатақхана ғимаратын салуға арналған алаңда он үш жиналмалы ғимараттың модульдері орнатылды. Кәріз құдықтары орнатылып, сыртқы және ішкі комуникациялар мен жылу жүйесінің пластик құбырлары өткізілді.

2014 ж. 19.11. мердігер компания - «ПК «Kerege Alatau» ЖШС-ның  «Жаңаөзен» қаласында орналасқан  базасына киініп-шешінуге арналған ғимаратты жинақтау үшін 14 контейнер жіберілгені туралы бұрын хабарланған болатын. Бүгінгі күні қымталып, іші толық өңделіп болған төрт контейнер объектілерде орналастыруға дайын тұр.

Жетібай және Қаламқас кен орындарындағы вахта кенттерінде футбол алаңдырын салу жұмысының 90%-ы орындалды. Футбол алаңдары барлық ауа райына арналған жоғары сапалы жасанды жабын төселген спорт алаңдарымен жасақталды. 

Еншілес тәуелді компания - «Oil Construction Company» ЖШС Жетібай құрылыс-монтаж қызметінің жалпы алаңы 768м2 аумағын, «Қаламқас» кен орнында Көлік және арнаулы техника басқармасының жалпы алаңы 8944м2 аумағын және «ОТК» ЖШС Жетібай технологиялық көлік басқармасының алаңы 9322 м2  аумағын толық абаттандырып және асфальттап болды.

Елбасы Жолдауы төңірегіндегі терең әңгіме

2014 жылдың 21 қарашасында «ҚазМұнайГаз» ҰК» АҚ-ында  Қазақстан Республикасы Президенті Н.Ә.Назарбаевтың 2014 жылдың 11 қарашасы күнгі Қазақстан халқына арнаған «Нұрлы жол – болашаққа бастар жол» атты Жолдауын талқылау жөніндегі «дөңгелек үстел» мәжілісі болып өтті.

Шараға ҚР Президенті  Кеңесшісі – Баспасөз хатшысы Дәурен Абаев, ҚМГ басшылары мен қызметкерлері, ұлттық компанияның еншілес және тәуелді ұйымдарының өкілдері қатысты.

Д.Абаев өз сөзінде атап өткендей, Елбасы Жолдауы айқын мақсат, анық бағдар беріп отыр. Жаңа Жолдау шын мәнісінде Қазақстан тарихындағы жаңа дәуірге қадам бастайды. Бұл іргелі құжатта Елбасы алдағы жылға айқын әрі қолжетімді мақсаттар белгіледі. Сондықтан оны  тыңғылықты  талқылаудан өткізіп, жұмыс  жоспарын құру керек.

«ҚазМұнайГаз» ҰК АҚ адами ресурстарды басқару және еңбекақы жөніндегі басқарушы директорыС. Әбденов өз сөзін Жолдаудағы өзекті мәселелерге арнады. ҚМГ-нің қаржылық-экономикалық көрсеткіштеріне әсер ететін қазіргі таңдағы әлемдік рыноктағы мұнайға бағаның барынша құлдырау жағдайы және шығындарды қысқарту жөніндегі жүргізіліп жатқан жұмыстар жеткізілді. Алайда, күрделі және операциялық шығындарды еріксіз қысқарту жағдайында да ҚМГ компаниялар тобында әлеуметтік шығындарды бұрынғы деңгейінде сақтау қажеттілігі туралы атап өтілді.

Мәжіліс соңында Мемлекет басшысының Баспасөз хатшысы қатысушылардың сұрақтарына жауап берді. ҚМГ қызметкерлері де қазақстандықтарды толғандыратын мәселелер төңірегінде өз ойларымен бөлісті.

2014ж. 03.11 – 2014ж. 07.11. аралығында «KMG Drilling & Services» ЖШС делегациясы бұрғылау жөніндегі бас директор А.С. Нұржановтың

2014ж. 03.11 – 2014ж. 07.11. аралығында  «KMG Drilling & Services» ЖШС делегациясы бұрғылау жөніндегі бас директор А.С. Нұржановтың және құрлықта бұрғылау департаментінің бұрғылау жөніндегі бас инженері Т.З. Паритовтің құрамында бұрғылау қондырғыларын және мұнай жабдығын жасайтын зауыттармен танысу мақсатында Қытай Республикасының:

ü  «Тянь Хэ»  корпорациясы жанындағы «Хуа Фэн» ЖАҚ мұнай жабдығы зауытына;

ü  «Кежуй» корпорациясы жанындағы бұрғылау қондырғыларын шығару зауытына сапармен барып қайтты.

Зауыт  басшыларымен және мамандарымен кездесулер өткізілді, онда зауыттардың қызметі туралы таныстырылымдар ұсынылып, зауыттардың өндірістік қуатымен танысу үшін экскурсиялар өткізілді.

«Тянь Хэ» корпорациясы мұнай жабдығын шығару жөніндегі кешенді кәсіпорын,  Қытай мұнай және мұнай-химия жабдығы өнеркәсіптік қауымдастығының  (CPEIA) мүшесі болып табылады, Ұлттық жоғары технология кәсіпорны ретінде марапатталған, Қытайда мұнай жабдығын шығару саласында жетекші позицияға қол жеткізген. Компания ISO, API, NS-1 сапа жүйесі сертификаттарын және HSE кәсіптік денсаулық және қауіпсіздік жүйесі сертификатын алған.

«Тянь Хэ» корпорациясының Қытайда кең дамыған сауда желісі бар, ол CNPC, SINOPEC және CNOOC барлық кен орындарын қамтиды.  

«Хуа Фэн» зауыты Шанхай қаласынан 50 км жерде орналасқан және әртүрлі өлшемдегі және пішіндегі ауырлатылған және бұрғылау құбырларын, бұрандалы забойлық қозғалтқыштар, орталықтандырғыштар, тұрақтандырғыштар, кеңейткіштер, кері клапандар, көтеру және ауыстыру жалғастырғыштарын, тележүйелер, ястар және әртүрлі апаттық жабдық шығаруға маманданады. Зауыт металл шикізатын кесуге, фрезерлеуге, термиялық өңдеуге арналған ең соңғы жабдықпен жарақталған. Зауыт өнімі әлемдегі ең озық және жетекші болып табылады.

«Кежуй» корпорациясы  2001 жылы құрылған. Бас штабы Дуньин қаласында орналасқан. Қытайдың көлемі бойынша екінші орынды иемденетін «Шэнли» кен орны да осы жерде. Корпорация кешені негізінен мұнай жабдығын әзірлеумен және шығарумен айналысатын кәсіпорын болып табылады.

          Бұрғылау қондырғыларын шығару зауыты мұнай және газ ұңғымалары үшін бұрғылау қондырғыларын шығарады. Роторлар, сораптар және т.б. есептемегенде, зауыт жылына шамамен 20-25 бұрғылау қондырғылары жиынтығын шығарады. Осы зауытта шығарылатын бұрғылау қондырғылары әлемнің түрлі елдерінде жұмыс істеп жатыр, оның ішінде 5 бұрғылау қондырғысы Қазақстанда жұмыс істеуде.

          Жабдық ISO, API, HSE сапа жүйесіне сәйкес сертификатталған. Жабдықтың құрылымдық ерекшеліктері мен оны жасау процессі жоғарыда аталған сапа жүйелеріне толық сәйкес келеді.

           Сонымен қатар зауыт қиыр солтүстік жағдайында жұмыс істеуге арналған толық қапталған шоғырлы (эшелондық үлгідегі) бұрғылау қондырғыларын шығарады.

ҚазМұнайГаз: Тиімді ішкі коммуникациялар – әлеуметтік тұрақтылық кепілі

2014 жылғы 27 қазан – 6 қараша аралығында Ақтау қаласында «ҚазМұнайГаз» ҰК АҚ еншілес және тәуелді ұйымдарының әлеуметтік-еңбек қатынастары үшін жауапты 100 басшылары, қызметкерлері, кәсіподақ ұйымдары төрағаларының қатысуымен «Өндірісте ішкі коммуникациялар жүйелерін құру және  енгізу» тақырыбында семинар-тренинг ұйымдастырылды.

Осы іс-шара ұлттық компания басшылығы іске асырып жатқан еншілес ұйымдардың еңбек ұжымдарында қолайлы жағдай туғызу саясаты шеңберінде өткізіліп отыр және әкімшілік пен еңбек ұжымы арасында «кері байланыс» жүйесін дамытуға, жұмыс берушілер мен қызметкерлер және кәсіподақтар арасында сындарлы диалог орнатуға бағытталады.

Осы тұрғыда жүйелі жұмыс жүргізілуде. 2013 жылдың соңында құрылған «ҚазМұнайГаз» ҰҚ АҚ әлеуметтік әріптестік, еңбек даулары мен шиеленістерді үйлестіру жөніндегі кеңесінің отырыстарында қызметкерлердің өзекті мәселелері қаралып, ұсыныстар әзірленеді. Кеңес құрамына «ҚазМұнайГаз» ҰК АҚ еншілес ұйымдарының басшылары, кәсіподақ басшылары, еңбек ұжымдарының өкілдері кіреді.

Ағымдағы жылы «ҚазМұнайГаз» ҰК АҚ еншілес және тәуелді ұйымдарының жұмыс берушілері мен қызметкерлері арасындағы бірыңғай ішкі коммуникациялар жүйесінің үлгі қағидалары» бекітілді. Еншілес және тәуелді ұйымдардың басшылары және әлеуметтік мәселелермен айналысатын мамандары, компания кәсіподақтарының өкілдерімен аталған құжаттарды түсіндіру және өзектендіру бойынша кездесулер өткізілді.

«ҚазМұнайГаз» ҰК АҚ еншілес кәсіпорындары басшыларының еңбек ұжымдарымен жыл сайынғы есептік кездесулері өткізіле бастады.

Алайда, тәжірибе көрсетіп отырғанындай, тиісті білімсіз және басшылардың ішкі коммуникацияларды құрудың ролі мен маңызын жеткілікті дәрежеде түсінуінсіз, еңбек ұжымдары өкілдерінің ҚМГ компаниялары тобында әлеуметтік диалогқа бірыңғай көзқарас пен стандарттарды әзірлеу және енгізу процессіне қатысуынсыз бірыңғай жүйелі тәжірибені енгізу мүмкін емес.

Осыған байланысты қызметкерлердің кәсіпорында ішкі коммуникциялар жүйесін құрудың ролі мен жолдары жөнінде түсінігін арттыру, «ҚазМұнайГаз» ҰК АҚ басшылары, кәсіподақ өкілдері мен мамандарының коммуникативтік құзыреттілігін дамыту мақсатында осы семинар-тренинг ұйымдастырылды.

Семинар-тренингті жүргізуге Мәскеу Бизнес-мектебінің жаттықтырушылары тартылды.

Жаңа жетістіктерге арналған жаңа кешен

 «KMG Drilling & Services» ЖШС өндірістік циклға тікелей қатысатын қызметкерлердің еңбек жағдайын жақсарту бағытында жүргізген жұмысының нәтижесінде «ОйлТранспортКорпорейшэн» ЖШС Бозашы технологиялық көлік басқармасын «Қаламқас» кен орнындағы ең жоғары талаптарға сай келетін жаңа өндірістік жөндеу кешеніне көшіру мәселесі шешімін тапты.

Ағымдағы жылдың 21 қазанында  «KMG Drilling & Services» ЖШС және «ОйлТранспортКорпорейшэн» ЖШС қызметкерлері мен басшылығының қатысуымен ұйымдастырылған салтанатты іс-шара барысында келген техника жылы тұраққа орналастырылды, жүк көлігіне техникалық қызмет көрсету және дөңгелек жөндеу цехы, автокөлік жуу орны, медициналық және диспетчерлік пункттер пайдалануға қабылданды.

Еңбек ұжымы жиналысында жаңа технологиямен жабдықталған жаңа объектіде орналасу компания алдында тұрған міндеттерді жемісті атқаруға мүмкіндік беретіні атап өтілді. Бұл ретте компанияның өндірістік мәселелерді шешумен қатар қызметкерлердің тұрмыстық жағдайы мен демалысының деңгейін арттыруға ұмтылысы ерекше маңызды.

Біздің жобалар

Сатып алулар

© ТОО «KMG Drilling&Services», 2014
Байланыс деректері